Punimet

Hyr or Regjistrohu to make a submission.

Lista e kërkesave që duhen plotësuar

Si pjesë e procesit të dorëzimit të artikujve, autorëve u kërkohet t'u përmbahen të gjitha kërkesave të paraqitura në udhëzimet e mëposhtme. Shkrimet që nuk u përmbahen udhëzimeve mund t'u kthehen autorëve.
  • Shkrimi nuk është botuar më parë, dhe as nuk është dorëzuar në redaksinë e një reviste tjetër për t'u shqyrtuar.
  • Teksti u përmbahet kërkesave stilistike dhe bibliografike të përshkruara në Udhëzimet për Autorin.

Udhëzime për autorët

REVISTA “ALBANON”

RREGULLAT E REDAKSISË PËR FORMATIN E PUNIMIT

  1. TË DHËNA TË PËRGJITHSHME

Materiali për botim duhet të jetë në formatin .docx me shkrimin Times New Roman, me font 11, Line Spacing: 1,15. Të përdoret komanda automatike për Footnote, duke zgjedhur numërimin e njëpasnjëshëm në të gjithë punimin. Mos përdoren karaktere në bold apo underline si mënyrë për t’u evidentuar fjalët.

Elementet që duhet të përmbajë punimi, janë: Titulli, autori/ët; Abstrakti dhe fjalët kyçe; Hyrja; Materiale dhe metoda; Përfundime; Referencat/Literatura. Abstrakti nuk duhet të kalojë 300 fjalë dhe jo më shumë se 5-7 fjalë kyçe.

Numri i fjalëve: shkrimi duhet të përmbajë 3000-5000 fjalë.

  1. A) TË DHËNA PËR MËNYRËN E CITIMEVE TË TEKSTIT GJATË PUNIMIT

Citimet e shkurtra me më pak se tre rreshta vendosen  në brendësi të tekstit.  

P.sh.: Çabej thotë: «Emri Illyrii, i cili në trajtë më të vjetër ishte Hilurii, ka dalë nga fiset rreth lumit Narenta në Bosnjë, që shkrimtari romak Pomponius Mela i quan Illyrii proprie dicti»1.

Të ndiqet rregulli i vendosjes së numrit të citimit, shenjës së pikësimit dhe kllapave me saktësi sipas shembullit, pa hapësira:

p.sh.: është e saktë «citimi»1.

p.sh.: nuk është e saktë «citimi.»1

Citimet më të gjata se tre rreshta, vendosen më vete pas një rreshti bosh para e pas tekstit dhe me shkrim më të vogël (font 10).

p.sh: Çabej thotë:

Emri Illyrii, i cili në trajtë më të vjetër ishte Hilurii, ka dalë nga fiset rreth lumit Narenta në Bosnjë, që shkrimtari romak Pomponius Mela i quan Illyrii proprie dicti. Prej këtyre ky emër u shtri dhe mbi ilirët e tjerë e u bë emër nacional i gjithë popullit për grekët e romakët, ashtu si ndodh zakonisht me emrat e popujve.

  1. TË DHËNA PËR SHËNIMIN NË FUND TË FAQES (Footnote)

Modeli që përdoret:

Për citimin e një vepre:

Emër Mbiemër, Titulli e nëntitulli në italic, Botuesi, Qyteti Viti, f. XX.

p.sh.: 1 Eqrem Çabej, Hyrje në historinë e gjuhës shqipe, Botime Çabej, Tiranë 2008, f. 44.

Për vazhdimësinë, mjafton të përmendet autori dhe titulli me shënimin cit., dhe faqen:

p.sh.: 1 Eqrem Çabej, Hyrje në historinë e gjuhës shqipe, cit., f. 40.

përdoret “Po aty” me shënimin e faqeve, nëse vijohet me të njëjtin libër në citim:

p.sh.: 1 Eqrem Çabej, Hyrje në historinë e gjuhës shqipe, cit., f. 40.

    2 Po aty, p. 48.

Citimi nëse është marrë artikulli nga revista shënohet sipas shembullit:

1 Emër Mbiemër, “Emri i artikullit në thonjëza”, në Emri i Revistës, 37 (2008), f. 57-69.

  1. TË DHËNA PËR BIBLIGRAFINË NË FUND TË PUNIMIT

Bibliografia në fund të punimit duhet që materialet  të jenë të renditura sipas rendit alfabetik. Mundësisht të jenë në bibliografi, ata libra që janë cituar gjatë punimit me të njëjtin model si te footnote, por me këtë ndryshim:

në vend të Emër Mbiemër, Titull...

duhet

Mbiemër (presje) Inicialin e Emrit (pikë e pastaj presje), Titulli...

p.sh. Mbiemri, E., Titulli i veprës...

p.sh.: Çabej, E., Hyrje në historinë e gjuhës shqipe, Botime Çabej, Tiranë 2008.

Punim të mbarë

Grupi i redaksisë:

Migena Kapllani (kryeredaktore), Arben Ndreca, Blerina Suta, Ermal Nurja, Eriada Çela, Marsela Neni, Fatos Dibra, Arba Baxhaku.

 

Artikujt

Section default policy

Deklarata e Privatësisë

Teksti i Deklaratës