Mbrojtja e të dhënave personale në praktikën arkivore

Abstrakti

Mbrojtja e të dhënave personale është një nga detyrat e rëndësishme që diktohet në mirfunksionimin dhe zhvillimin e një shoqërie demokratike. Kjo detyrë bëhet edhe më e vështirë në ditet e sotme, pasi me një ritëm të shpejtë po zhvillohet teknologjia e informacionit. Lind pyetja: “Sa të mbrojtur jemi ne në deklarimin e të dhënave personale”? Nisur nga këto kushte, ky punim ka për qëllim të evidentojë rëndesinë e mbrojtjes së të dhënave personale, cila është baza ligjore në funksion të saj dhe parimet që lidhen me përpunimin e tyre. Gjithashtu, synimi i këtij punimi është dhe trajtimi i punës së arkivistit në përballjen e tij me të dhënat personale dhe kriteret për përpunimin e tyre; përpunimi i ligjshëm i të cilave bëhet duke respektuar dhe garantuar të drejtat dhe liritë themelore të njeriut, dhe në veçanti, të drejtën e ruajtjes së jetës private.