Vizioni ushtarak i gjeneralit Mehmet Pashë Deralla

Abstrakti

Në këtë punim do të paraqesim një historik të shkurtër për veprimtarinë e Mehmet Pashë Derallës. Kjo figurë e shtetit shqiptar, e cila akoma nuk është vlerësuar aq sa duhet deri në këto momente për gjithë veprimtarinë e tij dhe kontributin që ka dhënë në formimin e shtetit shqiptar dhe mbrojtjen e tokave nga synimet e fqinjëve tanë për t’i pushtuar. Akoma nuk është bërë një punim që të jetë i denjë për këtë figurë. Disa historianë tanë deri më tani kanë shkruar më shumë për tradhtarët siç ishte Esad Pashë Toptani, i cili më shumë interesohej për pushtetin e tij, ndërsa për shumë figura ë cilat me të vërtetë kanë dhënë kontribut të pastër për atdheun, nuk kanë marrë akoma shpërblimin moral. Do të duhet akoma shumë punë për të treguar në pah figurën e vërtetë të Mehmet Pashë Derallës. Shpresojmë që me këtë punim të kemi dhënë një kontribut sado të vogël për këtë figurë historike të popullit shqiptar.