Bjeshka e Sylbicës në këngët e Bytyçasve

Abstract

Për bjeshkën, populli ka shkruar shumë këngë: Bjeshkët e mia, Kujto bjeshkën ku je rrit, Mora bjeshkën përpjetë, Më koftë haram bjeshka pa ty, Pranverë në bjeshkë, Ti, moj bjeshka e Tropojës, Ti, moj bjeshka e Sylbicës, Bjeshkët e Rugovës, Pse po dridhen bjeshkët tona, Të dalim në bjeshkë te mrizi, Boll e mira si e more bjeshkën, Bjeshkët e Shalës kanë lidh besën, Bukuritë që s’lanë me u plak, Kush m’i mori bjeshkët e mia etj. Bjeshkët me bukuritë e tyre mahnitëse, magjepsëse i kanë frymëzuar edhe poetët të shkruajnë vargje: “Bjeshkët e mia/ Jetëshkrim i përjetshëm/ Dashuria ime”, “Bjeshka/ Gëzohet me pranverën”, “Bjeshkët/ Shkundin çarçafin e bardhë/ Qingjat lodrojnë”, “Mbi Majën e Hekurave/ Agu i mëngjesit/ Përkundet me bjeshkët”, “Bjeshka buzëqesh/ Luledelet harlisen/ Bjeshka vikat majave”, “Erdh mëngjesi/ Shtegut të bjeshkës/ Ecën dielli” etj.