Fjalë përshëndetëse

Abstrakti

Në vazhdën e aktiviteteve të tij të shumta, Muzeu Historik Kombëtar ka bërë të mundur botimin e revistës shkencore Studime Muzeologjike Nr. 10. Muzeu Historik Kombëtar prej vitit 2002 boton revistën “Studime Muzeologjike”. Kjo revistë shkencore botohet një herë në vit. Ideatori i botimit të revistës “Studime Muzeologjike” ka qenë ish-drejtori i Muzeut Historik Kombëtar, studiuesi i pasionuar Moikom Zeqo. Gjatë viteve 2002, 2003, 2004 kanë dalë regullisht numrat e revistës. Pas një ndërprerjeje prej dhjetë vjetësh, në vitin 2014 u realizua botimi i numrit të katërt të revistës “Studime Muzeologjike”. Botimi i revistës ka vijuar edhe në vitet 2015, 2016, 2017, 2018 dhe 2019. Redaksia e revistës Studime Muzeologjike përbëhet nga emra të spikatur të shkencës dhe të kulturës shqiptare: Dr. Dorian Koçi, Prof. Dr. Pëllumb Xhufi, Akademik Vasil Tole, Prof. Dr. Piro Misha, Dr. Ardit Bido, Dr. Skënder Bushi dhe Andrea Llukani.