Të drejtat e azilkërkuesve dhe refugjatëve në Shqipëri: Një krahasim me legjislacionin ndërkombëtar dhe evropian

Abstract

Miliona njerëz në mbarë botën janë viktima të zhvendosjes së detyruar për shkak të konflikteve, persekutimit, shkeljeve të të drejtave të njeriut, fatkeqësive natyrore dhe degradimit të ekosistemit. Bashkimi Evropian është një zonë mbrojtjeje për njerëzit që ndjejnë persekutim ose dëmtim serioz në vendin e tyre të origjinës. Azili është një e drejtë themelore dhe një detyrim ndërkombëtar për vendet, siç njihet në Konventën e Gjenevës të vitit 1951 për mbrojtjen e refugjatëve. Ky artikull trajton emigracionin e parregullt në Shqipëri dhe më konkretisht të drejtat e azilkërkuesve dhe refugjatëve. Ky punim është e lidhur drejtpërdrejt me të drejtat e njeriut, të cilat janë vlerë themelore dhe synim për t›u realizuar dhe rregulluar përmes Konventave dhe organizatave ndërkombëtare si, Këshilli i Evropës dhe Bashkimi Evropian. Shqipëria si shtet kandidat për t›u bërë pjesë e Bashkimit Evropian duhet të përafrojë kuadrin ligjor dhe institucional me BE-në, ku përfshihet edhe legjislacioni për migracionin në të gjitha tërësinë e tij. Në këtë artikull do të prezantojmë kuadrin ligjor ndërkombëtar, gjithashtu acquis e Bashkimit Evropian për politikën e azilit dhe të gjitha direktivat kryesore, dhe në pjesën e fundit, por jo më pak të rëndësishme të artikullit, do të vlerësojmë kuadrin ligjor në Shqipëri dhe përputhshmërinë e tij me acquis të BE-së dhe Konventën Evropiane për të Drejtat e Njeriut.