“Europë - lene popullin tim të vijë”!

Abstrakti

Duke mos qenë as politikan e as jurist, patjetër që njeriu gëzohet kur merr një ftesë të tillë, qoftë kjo edhe për arsyen se, nga 150 kombësi të ndryshme që jetojnë në Graz, ti je i thirrur si përfaqësues i një populli europian që po dhunohet barbarisht në prag të mijëvjeçarit të ri, si përfaqësues i një vendi ku tema e të Drejtave të Njeriut dhe ajo e Europës së Bashkuar janë çështje kardinale të ditës. Pastaj, kur merr vesh në simpozium se je i ftuar si pjesëz e kulturës së re shqiptare, (duke iu referuar kështu librit tim "Europë - lene popullin tim të vijë!") e ndien se muzës së lirë të poetit duhet t'i vesh kufijtë e përgjegjësisë qytetare.