«Sikur vjen nga Shiroka!» Shenjime udhtimit te gjaku i arbërit

Abstrakti

Kujt i shkon ndër mend se vetëm tue ba pesëqind kiiometra udhë, njeriu mundet me u kthye pesëqind vjet mbrapa në histori, tue realizue kështu një andërr të gjithmonshme të natyrës njerëzore: me rijetue të kaluemen. Kisha ndie e lexue mjaft gjana për arbëreshët, më kishin tërheqë shenjimet erudite të Kolë Kamsit, isha mahnitë prej përshkrimeve dashamirëse të Ernest Koliqit e prej hulumtimeve shkencore të Martin Camajt, gjithnjë tue përfytyrue se si mund të ishte ajo botë që ka lindë kangët e De Radës e të Gavril Darës, të Serembes e të Sqiroit. Por asnjëherë nuk kishe pasë rasën me pa me sytë e mij ata njerëz e vende - të dashtuna e të panjohtuna njëherit për mue.