Disa probleme gjuhësore të trajtuara në veprën e profesor Eqerem Çabejt

Abstrakti

Prof. Eqerem Çabej është një ndër përfaqësuesit më të shquar të gjuhësisë së re shqiptare, i cili është marrë edhe me çështje të
rëndësishme të shqipes së sotme. Një vend të dukshëm zë ndihmesa e profesorit në shtrimin dhe shpjegimin e çështjeve teorike
gjuhësore në përshtatje me vetë natyrën e gjuhës shqipe. Dhe nuk mund të ndodhte ndryshe me një gjuhëtar, i cili i kishte vënë vetes si detyrë që evolucionin historik të shqipes ta studionte, siç thotë prof Demiraj, " ... për të shpjeguar e për të zgjidhur sa më mirë edhe problemet që paraqiste vështrimi sinkronik i kësaj gjuhe".