Para sulmeve osmane Arbërit vinin si nje kombësi me unitet politik

Abstrakti

Libri i mr. Qerim Dalipit me tituli “Inkursionet osmane në trevat shqiptare deri më 1402” trajton aspekte të rëndësishme të historisë sonë mesjetare. Libri ka 203 faqe dhe është i ndarë në shtatë kapituj. Në kreun e parë “Arbëria deri në gjysmën e shkullit XIV” autori iu qaset aspekteve të shumta që kanë të bëjnë me zhvillimet e proceseve historike në Arbëri, që në këtë trajtesë përbëjnë në vete dy koncepte: 1) Arbëria si koncept etno-politik që rezulton me formimin e shtetit të parë arbëror në dhjetëvjeçarin e fundit të shek. XII, dhe 2) Arbëria si koncept etno-gjeografik e banuar me arbër, të cilët gjatë mesjetës së hershme na përfaqësohen me kulturën e Komanit, e cila kishte një shtrirje të gjerë edhe jashtë konceptit të mëvonshëm etno-politik të Arbërit.