Aziz Zhilivoda figurë e shquar e luftës për liri e bashkim kombëtar

Abstrakti

Ideja e mbledhjes së fakteve, ballafaqimit të tyre dhe sintetizimit të copëzave të kontributeve të të gjithë atyre personaliteteve që me qenien, aktivitetin dhe angazhimin e tyre, kanë shënuar, ndikuar apo prirë në zhvillimet e ngjarjeve të historisë së Kosovës, e të popullit shqiptar është detyrë e çdo historiani. Andaj ne sot këtu do bëjmë përpjekje që për një kohë relativisht të shkurt të hedhim dritë dhe të japim kontributin tonë modest karshi veprës dhe kontributit të madh atdhetar të patriotit Aziz Zhilivoda.