Roli i Britanisë së Madhe në luftën e Krimesë dhe situata në Shqipëri

Abstrakti

Në fillim të gjysmës së dytë të shekullit XIX filloi një konflikt me përmasa ndërkombëtare që në histori u njoh me emrin Lufta e
Krimesë. Lufta e Krimesë në fillim ishte konflikt ndërmjet Rusisë dhe Perandorisë Osmane por me kalimin e kohës u implikuan edhe Britania e Madhe, Franca dhe Mbretëria e Sardenjës në Italinë e Veriut 25, të cilat e mbështetën Perandorinë Osmane. Britania e Madhe dhe Franca ishin vënë në përkrahje të osmanëve për faktin se ruajtja e Perandorisë Osmane dhe neutralizimi i ndikimit dhe forcës ruse ishin pikësynim tepër i rëndësishëm në politikën e tyre të jashtme. Britania e Madhe ishte një ndër shtetet më të fuqishme koloniale prandaj për të ruajtur fuqinë e saj duhej të ishte gjithmonë e implikuar në “zonat e nxehta”.