Dy monumente të perëndive të vreshtarisë dhe tregtisë të zbuluara rishtas në Kosovë

Abstrakti

Në këtë punim trajtohen dy monumente nga koha romake të gjetura tash vonë në Kosovë me zbulime të rastit. Te të dyjat janë të skalitura perënditë. Njërin e përbën pllaka relievore e punuar në mermer nga Vrella e Istogut (Burimit) që i përkushtohet perëndisë së hardhisë së mishit (Liberit) dhe verës, e cila në Dardani shënon rastin e dytë, dhe tjetrin aplika e punuar në bronz nga Studençani i Therandës (Suharekës) në formë busti të perëndisë së tregtisë (Merkurit), që në tërë këtë trevë haset për herë të parë. Si të tilla na ofrojnë të dhëna të reja në fushë të arkeologjisë antike.