Debatet shqiptaro-greke dhe Lidhja e Kombeve (1920-1922)

Abstract

Midis shteteve që kërkuan të pranohen që në Asamblenë e Parë të Lidhjes së Kombeve, ishte edhe Shqipëria1. Në dhjetor të vitit 1920, statusit të saj iu kushtua një kujdes i veçantë, pa ndarë nga ai edhe çështjen e kufijve. Komisioni i ngarkuar me shqyrtimin e kërkesave për pranimet e reja e diskutoi çështjen e Shqipërisë në mbledhjen e tij të 4 dhjetorit 1920. Raporti i nënkomisionit të Lidhjes së Kombeve që shqyrtoi kërkesën e Shqipërisë, tërhiqte vëmendjen ndaj faktit se qeveria shqiptare që ishte në fuqi nuk ishte njohur as de jure as de fakto prej ndonjë Fuqie dhe kufijtë e Shqipërisë nuk ishin përcaktuar ende përfundimisht me traktate dhe marrëveshje ndërkombëtare.