Ernest Koliqi

Abstrakti

Me vdekjen e Ernest Koliqit shduket pa dyshim nji ndër figurat e mëdha të letërsis moderne shqiptare. Por për mue, vdekja e tij asht nji varfnim personal, nji dhunim i kopshtit përherë magjik të rinis. Sepse për mue, ai dhe Lasgush Poradeci janë pioneret e vertetë të letërsis moderne shqipe: dy artistë të cilët me gjenin e talentin e tyne treguen se shqipja zotnon fuqi krijuese e përtrise për të dalë nga hullia e traditës së vjetër që ishte dominue nga frymzimi i nacionalizmit të shekullit të kaluem dhe i letërsis gojore. Por traditën letrare të vjetër ata nuk e përbuzën; përkundrazi, e përdoren si pikënisje për zbulime dhe ndërmarrje artistike të reja.