A quale lingua si collega l'albanese?

Me cilën gjuhë ndërlidhet shqipja?

Abstrakti

Identifikimi i gjuhës së lashtë ballkanike që lindi shqipen përbën një nga temat më magjepsëse, por edhe më të vështira në gjuhësinë historike. Nëse, gati një shekull pas kontributeve të para shkencore, ne ende e gjejmë veten larg një zgjidhjeje përfundimtare, kjo varet kryesisht nga pamjaftueshmëria ekstreme e njohurive tona për gjuhët paleo-ballkanike që ndodhen në veri të greqishtes, dhe së dyti nga fakti se një sektor jo i vogël pjesë e leksikut protoshqip është zëvendësuar me fjalë huazimi. Krahas këtyre vështirësive të brendshme, në mënyrë të pafavorshme ka vepruar edhe orientimi metodologjik i kërkimit, i cili synonte kryesisht zbulimin e përputhshmërive leksikore midis shqipes dhe ilirishtes ose, ndryshe, trakishtes.