Me rastin e vdekjes s'Ernest Koliqit

Abstrakti

Ernest Koliqi vdiq por aj do të metet i gjallë në shkrojsinë (letersinë) si nji nër shkrimtarët ma të mirë qi ka nxjerrë komi i ynë. Shkrojsija e jonë nuk asht as e moçme as e pasun sikur ajo e shum e shum komeve tjera; megjithate përsa i takon cilsisë noshta nuk asht mrapa motrave të saja të reja ballkanike, sidomos kur asht fjala për poezi; e kur të zamë me gojë poezinë shqipe përnjiherë na del para syshë ftyra e amël e shqiptarisht burrnore e Pater Gjergj Fishtës. Po kur të përmenim prozën shqipe na kujtohet Ernest Koliqi, jo sinonim si Pater Gjergji me poezi, por si nji nër prozatorët ma të mirë qi ka nxjerrë komi i ynë.