Struktura argumentore e predikatit foljor dhe kundërvënia formë veprore – formë joveprore

Abstrakti

Objekt i këtij artikulli është shqyrtimi i strukturës argumentore të predikatit foljor e parë në ndërvarësi me formën foljore, përkatësisht me kundërvënien formë veprore - formë joveprore të saj. Nisur nga arritjet e studimeve në lëmin e valencës së foljes, e përkatësisht të strukturës argumentore të saj, do të synojmë të analizojmë mundësinë e ekzistencës së një marrëdhënieje ndërvarësie mes kësaj kundërvënieje formale të foljes dhe organizimit të strukturës argumentore të konstruktit sintaksor përkatës, ku ajo përdoret, për rastin e gjuhës shqipe. Shqyrtimi përkatës bëhet në kuadrin e përpjekjes për gjetjen e një baze semantike për kategorinë e diatezës, pa shmangur dhe duke respektuar morfologjinë e foljes. Në varësi të rezultatit të analizës, përkatësisht ekzistencës apo mosekzistencës së një raporti simetrik midis formës foljore dhe organizimit të strukturës argumentore të foljes, do të mund të argumentojmë edhe nëse morfologjia e foljes është e vetëmjaftueshme për përkufizimin e kategorisë së diatezës dhe përcaktimin e diatezave përkatëse.