Kastriotët dhe Raguza

Abstrakti

Në këtë artikull fokusi i hulumtimit janë marrëdhëniet e Kastriotëve me Republikën e Raguzës. Kryesisht u përqendruam në periudhën e Skënderbeut, sepse pikërisht gjatë kësaj kohe ka një intensitet më të madh të marrëdhënieve, dhe nga ana tjetër ato janë të dokumentuara më mirë, megjithëse marrëdhëniet e Kastriotëve me Raguzën fillojnë që në kohën e Gjon Kastriotit. Për marrëdhënie të tjera më të hershme nuk kemi asnjë të dhënë. Ky hulumtim është i ndarë në disa pjesë. Më të hulumtuara janë çështjet diplomatike dhe ekonomike-tregtare. Ky studim është i mbështetur kryesisht në dokumente arkivore, por përveç tyre janë pasur parasysh edhe studime të ndryshme.