Zhvillimet brenda nacionalizmit Shqiptar në vitet 1920-1921

Abstrakti

Në këtë trajtesë do të përqendrohemi në zhvillimin politik të nacionalizmit shqiptar, duke u fokusuar kryesisht në dy aspekte kryesore: 1. Zhvillimet politike brenda Komitetit “Mbrojtja Kombëtare e Kosovës”; 2. Raportet e drejtuesve të Komitetit “Mbrojtja Kombëtare e Kosovës” me grupet e tjera nacionaliste shqiptare gjatë periudhës historike të marrë në studim. Në vitet 1920-1921, nacionalizmi shqiptar njohu një rritje cilësore. Mirëpo, edhe gjatë kësaj periudhe nuk munguan vështirësitë, problemet dhe mosmarrëveshjet në mesin e nacionalistëve, të cilat u nxitën sa nga ndërhyrja e faktorit të jashtëm, po aq edhe nga divergjencat personale, krahinore, fetare si dhe nga rivaliteti politik.