Identiteti shqiptar në sfondin e globalizmit

Abstrakti

Ndryshimet e shpejta njerëzore përgjatë shekullit të njëzetë, të shoqëruara me avancimin e masmedias, e kanë shndërruar botën në një fshat global.

Periudha ndërmjet shekullit XI dhe XIV ishte periudha më e errët për historinë kombëtare dhe kulturore shqiptare, për shkak të konvertimit të dhunshëm të shqiptarëve dhe toponimeve të tyre në sllavisht. Në periudhat e pushtimit bizantin, bullgar dhe serb, zhvillimi i identitetit shqiptar jo vetëm u ndal, por shqiptarët iu nënshtruan një procesi eliminimi fizik dhe kulturor. Duke pyetur historianët tanë: “Pse shqiptarët u nënshtruan gjithmonë nga shtypja e huaj”? Përgjigja është: "Sepse ishim të vegjël dhe të dobët!". Por historianët nuk arrijnë të japin një përgjigje se pse ishim të vegjël, të dobët dhe të pafuqishëm. Megjithatë, nuk është e lehtë të argumentosh dhe të dokumentosh, sepse shqiptarët kanë probleme me kujtesën historike për shkak të interpretimeve dhe qasjeve minimizuese dhe censuruese, si dhe për shkak të mos dokumentimit të kujtesës historike dhe mosbesimit ndaj institucioneve historike dhe kulturore.

Kultura është padyshim burimi dhe faktori i shqiptarëve në vendosjen dhe forcimin e identitetit të tyre kombëtar. Në anën tjetër, më pak se 1% e buxhetit vjetor të Kosovës ndahet në sferën e kulturës, dhe ky është një tregues i qasjes dhe konsideratës tonë ndaj artit dhe kulturës.