Roli i binomit vazhdimësi-ndërprerje në studimin e botës, në shkencë e teknologji

Abstrakti

Në ndërtimin e një botëkuptimi një rol të veçantë ka luajtur dhe evolucioni binar i dy koncepteve bazike: konceptit të vazhdimësisë dhe atij të ndërprerjes. Kjo dikotomi e tipit vazhdimësi - ndërprerje është pasqyruar në shekuj në kërkim të përgjigjes ndaj disa pyetjeve themelore që, në thelb, mishërojnë dhe tri paradigmat themelore të konceptimit shkencor mbi botën rreth nesh. Ato janë: 1) A është ndërtimi i botës i vazhduar apo i ndërprerë? 2) A është spektri i vlerave të madhësive të ndryshme i vazhduar apo i ndërprerë? 3) A është hapësira-koha e vazhduar apo e ndërprerë? Pikërisht, në këtë artikull, jepet një shikim përgjithësues dhe deri diku një sistemim relativisht modest i disa rezultateve konkrete të paradigmave të mësipërme të lidhura me binomin vazhdimësi - ndërprerje. Ai mund të shërbejë dhe si nxitje për hapjen e një piste të re në analizën e kësaj dikotomie në aspekte të tjera apo fusha të tilla të rëndësishme si ato politike, ekonomike e social-kulturore.