Kultura arabe dhe kulturat e tjera

Abstrakti

Kultura arabe nuk është e izoluar nga kulturat e tjera. Përgjatë asnjë periudhe të historisë ajo nuk ka qenë e izoluar, e mbyllur në vetvete, solide e palëvizshme, e fjetur dhe joaktive, apo pa ndikim dhe e mbyllur nga ndikimet e jashtme. Kultura arabe është e gjallë dhe plotë jetë, që rritet dhe zhvillohet bazuar në aftësitë e disponuara nga bashkësia arabe myslimane, për zhvillimin e intelektit, mendjes dhe pjekurinë e civilizimit të tyre. Kjo, sepse ajo zotëron burime besimi të përftuara nga vlerat e përjetshme që vijnë nga Shpallja hyjnore, qoftë nga Kurani apo Tradita Profetike, për nxjerrjen e njerëzve nga errësirat e mosbesimit, arrogancës, politeizmit dhe devijimit, drejt dritës së monoteizmit, besimit, sigurisë, të vërtetës, njohjes dhe udhëzimit. Pra, kultura arabe islame është e tillë që strukturon intelektin dhe ndjenjat, qytetërimin dhe civilizimin, nëpërmjet një koncepti të thellë dhe gjithëpërfshirës, me të cilin është njohur edhe dijetari i madh Ibn Haldun në librin e tij referencë “El-Mukaddime”. Nga ky këndvështrim zhvillohet ky studim, ku shpjegohen përbërësit e kulturës arabe dhe karakteristikat më të dukshme. Ai del në përfundimin se një nga karakteristikat më të rëndësishme të kulturës arabe islame është fakti se ajo është e hapur ndaj kulturave të Lindjes dhe Perëndimit, duke u kujdesur të mos i anashkalojë bazat e saj të patjetërsueshëm. Kjo përzierje dhe ndërthurje ka bërë që ajo të pasurohet, zhvillohet të forcohet dhe të fitojë imunitet.