Politikat dhe Strategjia Kombëtare në Mbrojtjen e Mjedisit, Sfidë për Emergjiencat Civile

Abstrakti

Universi ose gjithësia është e krijuar me të gjithë infrastrukturën e duhur dhe të nevojshme duke u plotësuar me ujin, tokën, njeriun, kafshët, pyjet, detrat, liqenjtë, lumenjtë, florën dhe faunën, me qëllim që të përdoret, mirëmbahet dhe të shërbeje për një kohë të gjatë, mijra dhe mijra vite.
Ndryshimet klimatike kanë bërë që një pjesë e akullnajave të përjetshme të shkrihen, duke rritur nivelin e ujrave në oqeane, detra, një pjese e lumenjve të shpërthejnë duke dalur nga shtrati dhe të shkaktojne përmbytje masive të siërfaqeve të tokës. Po ashtu, ndryshimet klimatike kanë ofruar rritje të kosiderueshme të temperaturave në vende të ndryshme të globit, duke u shoqëruar me zjarre të fuqishme, duke djegur dhe shkatërruar mijra dhe mijra hektarë pyje e kullota. Fryerja e deteve, dalja e lumenjve nga shtratet e tyre është e shoqëruar me erozin masiv të tokës, duke gllabëruar sipërfaqe të konsiderushme të saj, si dhe duke ndryshuar rrjedhën dhe drejtimin e shtretërve të lumenjve. Të gjitha këto çrregullime dhe shumë e shumë të tjera, pak a shumë të ngjashme, janë rezultate të vrullit, zhvillimit të shfrenuar të industrisë dhe teknologjisë moderne të krijuar nga njeriu në dëm të mbrojtjes, ruajtjes së mjedisit ku ai vetë jeton. Natyrshëm lind pyetja: A mund dhe a duhet të shpëtohet ky mjedis nga këto çrregullime galopante të shkaktuara nga vetë njeriu, dhe kush duhet t’a ruaj dhe t’a mbrojë atë, mjedisin?!