Nga cikli "Letra nga provinca"

Erisiktoni bredh krejt i vetmuar viseve të shkreta të Egobokës, duke provuar në çdo hap mallkimin e tmerrshëm të Dhemetrës; dënimi i saj ka qenë mizor: uri e përjetshme për fajtorin. Hyjnesha e nderuar dhe e respektuar prej të gjithëve, kësaj radhe nuk ka toleruar aspak: për disa drurë të prerë në Pyllin e Shenjtë (ripërtëritja e të cilëve nuk vonon dhe aq) ka vendosur të hakmerret barbarisht. "Me siguri, një vendim të tillë e ka marrë për t'më bërë shembull tek të tjerët", the Erisiktoni dhe u shemb përdhe pa ndjenja.