Dr. Sabile Keçmezi-Basha, “Organizatat dhe grupet ilegale në Kosovë 1981-1989”, Instituti i Historisë Prishtinë 2003, fq. 346 f.

Abstract

Kohët e fundit dr. Sabile Keçmezi-Basha, u shtoi botimeve të saj, monografmë kushtuar veprimtarisë ilegale në Kosovës për vitet 1981-1989. Studimi që na jepet në dorë është vazhdim i punës të ndërmarrë prej saj kushtuar këtij problemi fill pas Luftës së Dytë Botërore, të cilin ajo e ka trajtuar në monografinë “Lëvizja ilegale patriotike shqiptare në Kosovë 1945-1947” të botuar në vitin 1998. Me këtë studim të ri autoija arrin të na njohë në mënyrë më të plotë me lëvizjen ilegale dhe kulminacionet e saj pas vitit 1947, dhe veçanërisht në periudhën e viteve 1981- 1989. Kur mbaron së lexuari monografinë, ajo që të bie në sy, është se autorja ia ka arritur qëllimit të shtrojë, analizojë dhe të argumentojë në mënyrë të dokumentuar, organizimin e shqiptarëve në trojet e veta në Jugosllavi, në lëvizjen ilegale gjatë viteve 1981-1989, rritjen dhe fuqizimin e saj si në shtriije dhe në përmbajtje, masivizimin e gjerë, mbështetjen dhe udhëheqjen mbi një program kombëtar të përcaktuar mirë, për të bërë realitet detyrat ende të pazgjidhura të Lëvizjes Kombëtare Shqiptare.