Çështja e alfabetit në shkrimet e 'Kalendari Kombiar', 'Diturisë' dhe 'Lirisë'

Abstract

Njësimi i alfabetit të gjuhës shqipe më 1908 në Manastir, pas një rrugëtimi të gjatë e të vështirë, hapi etapë të re të zhvillimit të shqipes dhe të zhvillimit kulturor të shqiptarëve. Në këtë rrugëtim kontribut të shquar kanë dhënë edhe revistat kulturore me emër asokohe Kalendari kombiar e Dituria, si dhe gazeta Liria bashkë me drejtuesin dhe botuesin e tyre Mit’hat Frashëri, alias Lumo Skëndo dhe Mali Kokojka. Në këtë punim do të paraqitet kontributi i shquar i këtyre revistave dhe i kësaj gazete jo vetëm për njësimin e alfabetit, por edhe për njësimin e një gjuhe të përbashkët shqipe për të gjithë shqiptarët. Në këtë periodik paraqitet lëndë e pasur tematike e llojshmëri e gjerë shkrimesh ndër të cilat shquajnë ato me tema politike, shoqërore, historike, kul- turore, shkencore, sidomos gjuhësore e letrare. Numër i madh shkrimesh u janë kushtuar pikërisht këtyre të fundit, me theks të veçantë nevojës së madhe për