Statuti i komunës së Deçanit sipas kushtetutës së Kaçanikut

Përpjekjet e para për jetësimin e Kushtetutës së Republikës së Kosovës

Abstract

Fundi i viteve ’80 dhe fillimi i viteve ’90, për shqiptarët e Kosovës shënon fazën me të rëndësishme të intensifikimin të lëvizjes
së popullit për liri dhe pavarësi. Rrethanat në të cilat u zhvilluan ngjarjet politike në Kosovë, sidomos ato pas vitit 1987, kur në Serbi erdhën në pushtet elementët nacional-shovinistë, e përshtatën klimën politike në Kosovë që më pas të manovronin politikisht dhe të arrinin qëllimet e tyre politike. Kështu nën masat të jashtëzakonshme dhe nën diktatin e politikës së Beogradit, Kuvendi i Krahinës Socialistë Autonome të Kosovës (KSAK) më 28 shkurt 1989, aprovoi projekt-amendamentet kushtetuese për ndryshimin e Kushtetutës së Republikës Socialiste të Serbisë, me të cilat Kosova e humbte subjektivitetin në kuadër të Republikës Federative të Jugosllavisë.