Bibliografi etnografike e revistës Kultura Popullore

Abstract

Revista Kultura Popullore doli me numrin e saj të parë në vitin 1980, si një produkt i mirëfilltë i kërkimeve dhe studimeve etnologjike shqiptare. Ky numër doli në fillim si botim i Akademisë së Shkencave të Shqipërisë, konkretisht i Institutit të Kulturës Popullore.1 Më pas, prej vitit 2008, revista doli si botim i Institutit të Antropologjisë Kulturore dhe Studimit të Artit – Qendra e Studimeve Albanologjike–2 dhe e mbylli ciklin e vet me numrin e fundit të saj në vitin 2016/1-2. Prej vitit 2018, revista shkencore e Institutit të Antropologjisë dhe Studimit të Artit titullohet Antropologji.