Çështja e Shën Naumit dhe Vermoshit në Parlamentin e Shqipërisë

Abstract

Shteti shqiptar në periudhën 1918-1925 ishte në gjendje të vlimeve të vazhdueshme politike dhe të luftës së brendshme për pushtet. Qeveritë shqiptare ishin kronikisht jostabile. Secila qeveri kishte frikë se menjëherë mund të përmbysej. Nga ana tjetër, përveç gjendjes së vështirë ekonomike dhe financiare, rëndonin edhe problemet politike. Çështja e kufijve nuk e kishte marrë formën e prerë. Problemi i Manastirit të Shën Naumi shpërfaqi përplasjen e argumenteve të dy palëve. Shqipëria mbështetej në të dhënat historike dhe vendimin e vitit 1913 që Shën Naumi ishte pjesë përbërëse e Shqipërisë. Nga ana tjetër Mbretëria SKS argumentonte se Shën Naumi ishte pjesë e lavdisë së Ohrit dhe qendër e mësimit mesjetar sllav.