Vlerësim teorik i rritjes së aftësisë mbajtëse të trarëve b/a duke përdorur përforcimin me FRP

Abstract

Gjatë jetës së tyre, aftësia mbajtëse e strukturave të betonit të armuar mund të mos jetë më adekuate për sa u përket funksioneve statike e dinamike të parashikuara në projekt, kjo për arsye të amortizimit të strukturës apo ndryshimit të destinacionit dhe qëllimit të përdorimit të saj. Për këtë arsye lind nevoja e përforcimit të këtyre strukturave me materiale te ndryshëm, siç janë fi brat e përforcuara polimere (FRP), të cilat kanë gjetur një përdorim të madh këto dekadat e fundit. Fibrat e karbonit përdoren në elemente betonarme të zakonshëm dhe të paranderur që punojnë në përkulje, ku roli i fi brave të karbonit është rritja e aftësisë mbajtëse ndaj momentitMpërkulës dhe forcave prerëse, si dhe për të mënjanuar ulje më të mëdha se ato te lejuara. Fibrat e karbonit përdoren edhe për përforcimin e kolonave betonarme duke rritur si aftësinë mbajtëse, edhe për të realizuar “shtrëngimin” e betonit për të përballuar forca të mëdha prerëse. Në këtë punim është paraqitur një studim mbi efektin e përdorimit të fi brave të përforcuara polimere (FRP), në rritjen e aftësisë mbajtëse të trarëve prej betoni të armuar me shufra çeliku. Janë bërë krahasime të ndryshimeve në aftësinë mbajtëse të një trau betonarme vetëm me armaturë të poshtme dhe me armaturë dyfi she pa përforcim të jashtëm, pastaj me përforcim me një shtresë CFRP dhe me dy shtresa CFRP. Me rezultatet e dala janë nxjerrë disa konkluzione.