Planet çetnike për shfarosjen e popullatës myslimane dhe Shqiptare

Abstract

Lufta e Dytë Botërore solli shumë ndryshime dhe zhvillime të bujshme në territorin e ish-Jugosllavisë. Kjo situatë nxori në pah forcat antifashiste që luftonin për t’u çliruar nga nazizmi dhe fashizmi. Në këtë vorbull ngjarjesh dhe zhvillimesh, nxorën kokë elementët nacionalistë të cilët përfituan më së shumti. Në radhë të parë ishin çetnikët serbë të cilët konsideroheshin si mbështetës të ish-mbretit të tyre Petrit të Dytë. Ata krijuan Shtabin e Komandës së radhëve Çetnike të Ushtrisë jugosllave. Ky grup nacionalistësh serbë kishin për qëllim krijimin e një Serbie të gjerë në dëm të territoreve të fqinjëve por edhe mendonin ta zbatonin programin e Vasa Çubrilloviqit, i njohur si një shovinist i madh serb.