Vendi i leksikut terminologjik islam në fjalorët shpjegues të shqipes (1954, 1980, 2006)

Abstract

Ndonëse leksikografia shqipe ka një traditë të gjatë, duke filluar me Fjalorin e Bardhit, shqipes i ka munguar deri vonë fjalori shpjegues, ku do të përfaqësohej pasuria leksikore e saj. Një punë e tillë me përmasa të mëdha kombëtare, u mundësua vetëm më 1954, kur u botua fjalori i parë shpjegues i shqipes, me ç’rast u përfshi pjesa më e rëndësishme e leksikut të shqipes. Në këtë fjalor dhe në fjalorët e tjerë shpjegues që u botuan më pas, zuri vend edhe terminologjia islame. Është me interes të shihet fondi i këtij leksiku terminologjik si dhe shpjegimi i termave islamë në të tre fjalorët shpjegues. Disa terma që janë pasqyruar në Fjalorin e 54-ës, mungojnë në fjalorin e 80-ës e 2006-ës; disa të tjerë janë pasqyruar në atë të 80-ës, por mungojnë në dy të tjerët, ose janë pasqyruar në atë të 2006-ës, por mungojnë në dy të mëhershmit. Arsyet e përfshirjes dhe mos përfshirjes së një termi në një fjalor janë të ndryshme e të veçanta për secilën gjuhë.