Nevoja për të debatuar përpara miratimit të ligjit “Për provimin e shtetit për profesionin e juristit”

Abstract

Profesioni i juristit në Shqipëri është ndër më të kërkuarit. Kjo degë studimi universitare është ndër më të preferuarat për maturantët, si dhe për të diplomuarit në një degë tjetër universitare. Shtrirja e këtij profesioni është e gjerë dhe përfshin sistemin e drejtësisë, prokurorinë, agjencitë ligjzbatuese të shtetit, administratën shtetërore dhe të qeverisjes vendore, institucionet universitare, sektorin e profesioneve të lira, të konsulencës ligjore pranë personave juridikë publikë dhe privatë, e shumë fusha të tjera. Është e qartë që ky rregullim i ri ligjor ndikon drejtpërdrejt në funksionimin e një sërë institucionesh shtetërore dhe të diplomuarish si juristë në universitetet publike, jo publike, vendase dhe të huaja. Ky punim ka për qëllim ta nxisë dhe të kontribuojë në këtë debat.