Presioni i PKJ dhe braktisja e problemit kombëtar nga PKSH (1943-1945)

Abstract

PKJ gjatë periudhës së luftës, nisur nga natyra shumëkombëshe e shtetit jugosllav, ishte ndalur dhe kishte përpunuar në strukturat më të larta të saj platformën për konceptimin dhe trajtimin e problemit kombëtar. Problemi kishte peshë të veçantë për kombet që bënin pjesë në kuadrin e ish-shtetit jugosllav, sepse edhe nga drejtues kryesorë të rezistencës antifashiste në ish-Jugosllavi ai ishte cilësuar burg për shume prej popujve të saj. Në vitet e para të luftës nga forumet, por dhe drejtuesit e PKJ-së, problemi kombëtar i popullit shqiptar ishte konceptuar dhe ishte vënë në një plan me atë të popujve të tjerë dhe ishte pranuar e njëjta rrugë për zgjidhjen e tij.