Disa të dhëna për qëndrimin e nacionalistëve Kosovarë ndaj mbledhjes së Mukjes

Abstrakti

Në Arkivin e Kosovës në Fondin e LK të Kosovës-Dokumente armiqësore, vitet 1941-1944, gjendet dokumenti me titull:” Letër armiqësore “nr.984 i vitit 1944. Letra i dedikohet Emrush Myftarit, nga Peja, atdhetar dhe veprimtar i dëshmuar për çështjen kombëtare. Letra përbënë katër faqe në dorëshkrim dhe nënshkrimin e dërguesit që është i palexueshëm. Në përkthimin serbokroatisht thuhet se kjo letër është shkruar nga Sadri Doçi. Ajo fillon me disa këmbime mendimesh rreth tregtisë së ndërsjellë për të vazhduar me brengosjen rreth ecurisë së Mbledhjes së Mukjes dhe pasojave që la ajo.