Qarkullimi monetar gjatë antikitetit në pjesën qendrore të Dardanisë

Abstract

Paraqitja e monedhave si mjet pagese erdhi si rezultat i një shkalle më të lartë të zhvillimit të shoqërisë njerëzore si në pikëpamje ekonomike, kulturore dhe artistike. Me paraqitjen e metaleve bëhet një kthesë e madhe në zinxhirin e zhvillimit të shoqërisë njerëzore, kur edhe fillon të paraqitet hiperproduksioni, përkatësisht njerëzit fillojnë të prodhojnë më shumë se sa u nevojitet, dhe kështu fillon shkëmbimi i artikujve të nevojshëm me fiset e tjera. Këmbimi i të mirave materiale si formë e ekonomisë dhe tregtisë ka qenë mjaft i papërshtatshëm dhe jo praktik, prandaj njerëzit është dashur që të gjejnë dhe orientohen në një formë më të përshtatshme të tregtisë dhe në këtë mënyrë paraqiten monedhat si mjete pagese.