Veprimtari e perandorit Justiniani I në vendlindjen e tij në Dardani
Abstrakti
Të dhënat historike tregojnë se në trojet ilire, krishterimi është apostolik d. m th. se ai është pranuar direkt, e jo përmes rrugëve tjera e as nuk ishte i imponuar nga pushtimet e ndonjë perandori. Në literaturën sakrale pikërisht këtë e dëshmon apostulli Shën Pali ku shkruan “Kështu prej Jerusalemit e rreth e përqark deri në Ilirik e kam kryer plotësisht detyrën time të përhapjes së lajmit të gëzueshëm mbi Krishtin”. Me zyrtarizmi e krishterimit, sipas ediktit të Milanos, më 313, ku organizmi kishtar u legalizo edhe në trevën e Dardanisë, ky rajon mori frymën e zhvillimit institucional.