Kasabaja e Novobërdës sipas defterit të Temettuatit me nr. 11437

Abstrakti

Temettuatet apo defterët e të ardhurave janë deftere të cilat japin shënime të sakta mbi pasuritë e tundshme dhe të patundshme të popullatës gjatë periudhës së vonshme të shtetit osman. Defterët e Temettuatit në vete përmbajnë të dhëna me shumë rëndësf për jetën sociale dhe ekonomike të popullatës në vendet ku ata jetonin. Po ashtu, pasuria e emrave të vendeve (mëhallave) dhe njerëzve që gjenden në këta dokumente janë të një rëndësie të veçantë për kulturën, gjuhën, gjeografinë, etnologjinë, topografinë dhe albanologjinë shqiptare.