Kryengritja e Shqipërisë së mesme dhe roli i Turqve të rinj

Abstract

Me propozimin e Austro-Hungarisë e të Italisë dhe me miratimin e të gjitha Fuqive të Mëdha një vit pas Shpalljes së Pavarësisë u vendos si princ i Shqipërisë Vilhelm Vidi. Menjëhërë pas zgjedhjes së Princit u vendos që Durrësi të bëhej kryeqendër e qeverisë së Vidit. Këtë rrethanë e shfrytëzoi Esat Pasha i cili u përpoq që të bëhej figura kryesore pas princit, sidomos me largimin nga qeverisja të rivalit të tij më të madh Ismail Qemalit. Princ Vidi mbërriti në Shqipëri më 7 mars 1914. Menjëherë sapo mbërriti në Shqipëri formoi qeverinë me në krye Turhan pashë Përmetin. Ndërsa Esat Pashën e caktoi ministër të Brendshëm. Qeverisja e tij qysh në fillim nuk u pëlqye nga shqiptarët nga që këshilltarët kryesorë të tij nuk ishin shtetas shqiptar.