“Dervish Shaqa-Demush Neziri dhe rapsodët e tjerë të Deçanit dhe rrethinës ”
Abstrakti
Sot ndihem tepër i nderuar që kam rastin të ju drejtohem me një kumtesë në këtë Tribunë Shkencore me titull “Dervish Shaqa-Demush Neziri dhe rapsodët e tjerë të Deçanit dhe rrethinës”, të organizuar nga Kuvendi i Komunës së Deçanit dhe Lidhja e Historianëve të Kosovës “Ali Hadri”-Dega në Deçan. Ky eveniment merr edhe më shumë rëndësi nga fakti së këtë vit, të gjithë shqiptarët ku do që janë shënojnë 100-vjetorin e Shpalljes së Pavarësisë së Shqipërisë. Të flasësh për rapsodët e mirënjohur deçanas Dervish Shaqa dhe Demush Neziri, është e domosdoshme të rikthehemi në një retrospektivë të shkurtër historike.