Përgatitja psiko-fizike dhe edukimi ushtarak i luftëtarëve të UÇK-së në zonën operative të Llapit (1998-1999)

Abstract

Ushtria Çlirimtare e Kosovës (UÇK), si organizatë politike dhe ushtarake, ishte rezultat i organizimeve të fshehta patriotike në krye me LPK-në, e cila çlirimin e Kosovës nga pushtimi gjenocidar i Federatës Jugosllave (serbo-malazeze) e shihte përmes luftës së armatosur. UÇK, gjatë organizimit, mobilizimit, përgatitjes dhe kalitjes për beteja, një ndër sfidat kryesore kishte përgatitjen psiko-fizike dhe edukimin e luftëtarëve. Për këtë qëllim pati angazhime të të gjitha niveleve komanduese dhe udhëheqëse për të përgatitur luftëtarë (ushtarë dhe eprorë) dhe njësite të stërvitura dhe të gatshme për luftën guerile dhe frontale kundër forcave serbe. Përkundër vështirësive, përgatitja e luftëtarëve dhe e njësiteve u realizua me përpjekje maksimale. Kjo u dëshmua në betejat mes forcave të UÇK-së në Zonën Operative të Llapit (ZOLL) dhe atyre serbe. Masat që u ndërmorën për hartimin e plan-programeve, elaborateve dhe manualeve trajnuese për ndërtimin e poligoneve të ndryshme stërvitore, planifikimin, organizimin dhe realizimin e trajnimeve nga niveli i Shtabit të Përgjithshëm, Shtabit të Zonës, brigadave dhe deri te njësitet në nivel skuadre, janë objekt trajnimi në këtë punim.