Xhamite dhe nëpunësit fetar në Prizren me rrethinë më 1919

Abstract

Me qëllim të kontrollit më të rreptë të institucioneve islame, autoritetet shtetërore të Mbretërisë Serbe, Kroate dhe Sllovene kërkuan të dhëna për çdo imam, shkollë dhe xhami veç e veç, për kushtet e medreseve, xhamive dhe mektebeve.
Myftiu i asaj kohe në Prizren, Idriz ef. Hizriu ka rezervuar të dhëna të rëndësishme, të cilat tregojnë veprimtarinë e institucioneve islame.
Nga të dhënat e paraqitura konstatojmë se 79 xhami dhe 4 medrese kanë ekzistuar në vitin 1919 në qytetin e Prizrenit, dhe në Sharr, Podgorë dhe Podrime. Mësojmë edhe për emrat e xhamive dhe vendndodhjen e tyre, emrat e imamëve që shërbenin në ato xhami, emrat e hatibëve, muezinëve, kaimëve, mutevelive, mësuesve që mësonin fenë, muderriz dhe shehler. Rangu i të ardhurave që merrnin atëherë nëpunësit e fesë islame është i rëndësishëm. Të ardhurat i merrnin nga vakufi ose nga popullsia vendase. Kjo bëhej në tri mënyra: me dinarë, bathë të bardhë dhe grurë, p.sh. 240 din, 58 din. Fasule 700 okka 150 okka grurë, 1200 okka grurë, 1050 okka grurë etj.