Degradimi i strukturave betonarme

Abstract

Betoni ka qenë materiali më i përdorur në ndërtim në shekullin e fundit. Pritet që të ngelet i tillë edhe për dekadat që do të vijojnë. Në ndërtesat e ndryshme të banimit apo të infrastrukturës janë përdorur forma të ndryshme të betonit. Si një material shumë i përdorur në ndërtim, betoni është elementi që përballet me kushtet ekstreme të mjedisit. Ai, krahas punës statike që kryen duke përballuar ngarkesat që vijnë nga konstruksioni, duhet të durojë dhe sulmet agresive të mjedisit në të cilin ndodhet. Qëllimi i punës është që të sjellë në mënyrë të thjeshtëzuar skemat e shkatërrimit të betonit nga agjentët atmosferikë. Si rrjedhim, është bërë një qasje me dukuritë kryesore që sillen keq me betonin dhe mënyra si sillet ai nga kushtet e ndryshme në të cilat ndodhet. Arrihet në përfundimin , që betonit të ketë një jetë sa më e gjatë, duhet pasur kujdes i veҫantë në përgatitjen e tij dhe duhet bërë një zgjedhje sa më inteligjente e materialeve përbërës të tij dhe raporteve të tyre.