Tirana, qyteti i gjelbër

Abstract

Qyteti i Tiranës ka pësuar transformime dërrmuese në dy dekadat e fundit, me pasoja në jetën dhe organizimin e qytetit, veçanërisht në strukturën urbane të tij. Gjatë kësaj periudhe Tirana është përballuar me një rritje të lartë dhe të menjëhershme të popullsisë, rritje të qarkullimit të automjeteve dhe degradim të përgjithshëm të cilësisë së jetesës. Me keqardhje mund të pranohet se Tirana sot është kthyer në një xhungël urbane. Në të vërtetë, sipas njërit nga shumë përkufi zimet që i janë bërë, “xhungla” përfaqëson një hapësirë pak të civilizuar ose të padisiplinuar jashtë kontrollit të qytetërimit. Qëllimi kryesor i këtij projekti është ta transformojmë qytetin tonë të Tiranës nga një xhungël kaotike të betonuar dhe të ndotur në kuptimin origjinal të kësaj fjale, në një hapësirë të mbuluar nga vegjetimi i dendur, të dominuar nga pemët.