Proçesi psikoterapeutik dhe ndikimet tek terapisti

Abstrakti

Në mënyrë të zakonshme pjesa më e madhe e studimeve të cilat lidhen me proçesin e psikoterapisë fokusohen tek klienti si dhe tek ndikimet e tij mbi të. Të pakta janë ato studime të cilat lidhen me impaktin që ka psikoterapia si një proçes tepër dinamik dhe thellësisht njerëzor tek terapisti. Meqenëse ky i fundit është i vetmi mjet i shërimit në një marrëdhënie dhe proçes të vazhdueshëm dhe delikate nuk mund të mbeten jashtë vëmendjes ndikimet dhe ndryshimet që zhvillohen brenda tij të cilat për rrjedhojë influencojnë më pas edhe klientin dhe mirëqenien e tij subjektive. Nga disa studime sugjerohet se vetë profesionistët e shëndetit mendor janë ata të cilëve u rrezikohet më shumë kjo mirëqenie për shkak të investimit tepër të lartë njerëzor që kërkon psikoterapia dhe përvojavë lënduese për të cilat klientët vijnë në psikoterapi. Ky artikull është një përpjekje për të kuptuar më shumë këto dinamika të ndërsjellta ndikimesh që lidhen me vetë psikoterapistin. Nisur nga këtu disa pyetje investiguese mund të shtrohen të tilla si ato në lidhje me specifika të këtij ndikimi dhe impaktin në shërimin e klientit. Metoda e përdorur për të grumbulluar të dhëna është analiza narrative, intervistave gjysëm të strukturuara së bashku me grounded theory. Kampioni përfshin 8 psikoterapistë me një përvojë mbi 12 vjeçare në terapi. Disa nga gjetjet sugjerojnë se ka një ndikim tepër domethënës të proçesit psikoterapeutik tek vetë terapisti dhe se natyra e këtij ndikimi lidhen me specifikat që vijnë nga klientët si dhe problematikat klinike të tyre së bashku me faktorë të tjerë.