Asistentët e inteligjencës artificiale në praktikën ligjore: rritja e produktivitetit duke ruajtur ekspertizën njerëzore

Abstract

Revolucioni industrial shënoi një ndryshim thelbësor në histori, pasi puna fizike u automatizua gjithnjë e më shumë, duke çuar në zëvendësimin e fuqisë së muskujve me makineri. Megjithatë, në epokën bashkëkohore, një revolucion i ri është duke u zhvilluar – revolucioni i fuqizuar nga IA – i cili po transformon natyrën e punës duke automatizuar detyrat mendore. Nga të qenit thjeshtë një fanta-shkencë në të kaluarën, ajo tani është kthyer në një praktikë reale, duke luajtur një rol të rëndësishëm në fushën e ligjit. Ky punim do të trajtojë mënyrën se si praktikuesit e ligjit, kryejnë kërkime, menaxhojnë dokumentat, realizojnë mbrojtjen dhe madje edhe mënyrën se si bëhen gjykimet në sallën e gjyqit. Procesi i kërkimit kaloi nëpër tre faza të cilat përfshinë mbledhjen e të dhënave, analizën e gjetjeve kryesore dhe përpunimin duke përdor një metodologji kërkimore cilësore, që përfshinë shqyrtimin e literaturës, studimin e rasteve nga praktika dhe synon të paraqes mundësitë e reja që ofron IA. Megjithatë aplikimi i IA paraqet dhe sfida të reja si paragjykimet algoritmike, gabueshmëria e sistemeve të IA, cenimi i të dhënave personale dhe nevoja për korniza të reja rregullatore. Pyetjet rreth llogaridhënies, përgjegjësisë ligjore dhe se teknologjia e IA mund të zëvendësojë avokatët njerëzorë dhe të minojë ekspertizën dhe gjykimin që praktikuesit e ligjit sjellin në punën e tyre po nxisin debate intensive. Me zhvillimin e inteligjencës artificiale në rritje, ky punim ka si qëllim të shpjegojë më tej se çfarë është inteligjenca artificiale dhe si po përdoret aktualisht në fushën ligjore.