Aktivitetet e Institutit të Historisë “Ali Hadri”- Prishtinë gjatë vitit 2021

Abstract

Gjatë vitit në 2021 IHP ka organizuar disa konferenca shkencore, të cilat krahas shënimit të disa ngjarjeve historike kishin për qëllim edhe sjelljen dhe prezantimin e rezultateve dhe njohurive të reja në fushën e historiografisë shqiptare dhe më gjerë: - Në përvjetorin e 40-të të Demonstratave të vitit 1981, IHP organizoi më 10 qershor 2021 Konferencën shkencore, në të cilën punimet e tyre rreth tematikës së mësipërme i paraqitën rreth 30 studiues nga trevat shqiptare e më gjerë. Kumtesat e paraqitura në këtë sesion u karakterizuan nga qasja shumëdimensionale, këndvështrimet dhe teoritë moderne në hulumtime shkencore lidhur me këtë Lëvizje që përkujton një kthesë të rëndësishme në historinë e re të Kosovës dhe të kombit shqiptar në përgjithësi. - IHP, në cilësinë e bashkë-organizatorit me Akademinë e Shkencave të Republikës së Shqipërisë dhe Akademinë e Shkencave dhe Arteve të Republikës së Kosovës, bashkë-organizoi më 25-28 nëntor 2021 në Tiranë Kuvendin e III-të të Studimeve Albanologjike. Rreth 182 studiues, shqiptarë dhe të huaj, për tri ditë rresht me dy seanca paralele paraqitën prurjet e tyre në shkencat: histori, gjuhësi, antropologji dhe studime letrare.