Rreth konsolidimit të sundimit Venedikas në Durrës, 1392-1394

Résumé

Vendosja dhe shtrirja e sundimit venedikas në Shqipëri, përballja me këtë sundim, kundërshtimi i tij, si dhe shumë çështje që e karakterizuan periudhën kohore 1392-1479, kanë gjetur trajtim të gjerë si te studiuesit vendas ashtu edhe të ata të huaj.1 Gjithashtu edhe botimi i përmbledhjeve me dokumente2 të cilat ndërlidhen me ngjarjet që përfshinin periudhën kohore nga fundi i shek. XIV deri në vitin 1479, kanë dhënë ndihmesë të madhe në thellimin e studimeve dhe njohjen e rrethanave lidhur me vendosjen dhe konsolidimin e këtij sundimi në Shqipëri. Mbi bazën e të dhënave burimore, si dhe literaturën relevante, në këtë punim do të trajtojmë një problem mjaft specifik sa i përket vendosjes së sundimit venedikas në Shqipëri. Fjala është për konsolidimin e këtij sundimi në Durrës.