Çështja e shqiptarëve në Jugosllavi në sfondin e marrëdhënieve ndërmjet Shqipërisë dhe Jugosllavisë, 1918-1939

Skënder Lutfiu, Çështja e shqiptarëve në Jugosllavi në sfondin e marrëdhënieve ndërmjet Shqipërisë dhe Jugosllavisë, 1918-1939, Instituti i Historisë “Ali Hadri”, Prishtinë, 2021, 624 f.

Résumé

Instituti i Historisë në Prishtinë botoi kohët e fundit studimin monografik “Çështja e shqiptarëve në Jugosllavi në sfondin e marrëdhënieve ndërmjet Shqipërisë dhe Jugosllavisë ,1918-1939” të dr. Skënder Lutfiut. Botimi ka një këndvështrim origjinal në trajtimin e marrëdhënieve diplomatike ndërmjet Shqipërisë dhe Jugosllavisë në periudhën midis dy luftërave botërore. Në këto raporte shfaqet çështja e gjendjes së popullsisë shqiptare në Mbretërinë SKS - Mbretërinë e Jugosllavisë, të shkëputur nga shteti kombëtar shqiptar kryesisht që nga viti 1913 me vendimin e Fuqive të Mëdha. Në historiografinë shqiptare, deri më sot, nuk është trajtuar tematika e kësaj monografie në përmasat e një vëllimi të veçantë, pra deri në thellësinë dhe gjerësinë e duhur.